’خاڪ‘ در محمد ڪانڌلوي

’خاڪ‘ در محمد ڪانڌلوي: مشهور عالم ۽ شاعر مولوي در محمد ’خاڪ‘ ڪانڌلويءَ 12 ربيع اول 1312هه/ 14 سيپٽمبر 1894ع ڌاري ڪانڌڙا، (ضلعي لاڙڪاڻي) هاڻي قنبر شهداد ڪوٽ ۾ جنم ورتو. سندس خاندان مان ڪيترا بزرگ ٿي گذريا آهن، جن مان شاهه احمد نالي هڪ بزرگ تغلق بادشاهه سان گڏجي سنڌ ۾ آيو هو ۽ نصير آباد، ضلعي قنبر شهداد ڪوٽ ۾ اچي سڪونت اختيار ڪيائين ۽ هن ئي ڪانڌڙا ڳوٺ جو بنياد رکيو هو. مولانا در محمد بهترين شاعر هو. شاعريءَ ۾ پهرين ’خطائي‘ ۽ پوءِ ’خاڪ‘ تخلص ڪم آڻيندو هو. مولانا در محمد ’خاڪ‘ شاعر هئڻ سان گڏ ناميارو ليکڪ ۽ فتوا نويس به هو. تصوف جي شـرح ۽ فتويٰ تي ڪيترا ڪتاب لکيائين. سندس ڪتابن ۾ حـضـرت شاهه عبدالطيف ڀٽائيءَ جي صوفياڻي شرح ’خزانة العارفين‘ نهايت مـقـبـول آهـي. مـولانـا صـاحب انـجمن همدرد نصيرآباد ۽ نزم لطيف نصيرآباد جو صدر پڻ رهيو. هن پنهنجو وقت اڪثر زهد ۽ تقوى ۾ گذاريو. سندس شاعري نعت، ڪافين، غزلن، ۽ نظم جي صنف تي آڌاريل آهي.

داخلا ۾ استعمال ٿيل تاريخون

1894.09.14  عيسوي

مشهور عالم ۽ شاعر مولوي در محمد ’خاڪ‘ ڪانڌلويءَ 12 ربيع اول 1312هه/ 14 سيپٽمبر 1894ع ڌاري ڪانڌڙا، (ضلعي لاڙڪاڻي) هاڻي قنبر شهداد ڪوٽ ۾ جنم ورتو.

شخصيتون - ڀاڱي جون ٻِيون داخلائون